Üna chasa da paurs cun istorgia e cun Scharm

La Chasa Jaura a Valchava es üna chasa da paurs tipica per la regiun, datescha dal 17. tschientiner ed es gnüda missa dal 1971 suot protecziun da monumaints dal chantun. Las annadas sur la s-chala externa e sülla tettaglia cumprouvan ün müdamaint da fabrica tanter 1724 e 1727.

La Chasa Jaura ha servi temporarmaing sco chasa cumünala. L’on 1973 es ella gnüda restaurada cun agüd dal chantun Grischun e drizzada aint sco museum etnografic e center da cultura da la Val Müstair. Üna sala per exposiziuns e referats ha rimplazzà il tablà da plü bod.

 

  •  
  • Giasts ed indigens vegnan surprais minch’on cun ün’exposiziun d’art excellenta e cun ün program da cultura d’ot nivel.

  • In üna da las plü bellas chasas da paur survain il minchadi dal passà ün preschaint fascinond.

     

  •  
  •