La società "Chasa Jaura Val Müstair" es proprietaria da la Chasa Jaura a Valchava ed es respunsabla pel mantegnimaint. Quista lezcha es fich pretenziusa ed, in reguard a la substanza istorica e protetta, colliada cun cuosts considerabels.
Dal rest elavurescha la società minch'on ün program cultural, chi as realisescha dürant ils mais da stà. Cun quella spüerta vulain accumplir il giavüsch dal promotur Tista Murk, chi vezzaiva il scopo da la Chasa Jaura sco plattafuorma culturala invezza d'ün museet local.
La società nun es capabla dad accumplir quistas lezchas sainza il agüd da fundaziuns ed instituziuns.
Nus ingrazchain fich pel sustegn generus:
Pel on da giubileum da 50 ons vain collavurà cun la biosfera Val Müstair vi dal proget
Senda da las linguas – Sprachenweg
e sperain cha la gita proponüda pissera per indigens e giasts per üna scuverta ed ün divertimaint special.
