La Chasa Jaura Val Müstair a Valchava es ün forum da cultura per la populaziun e pels giasts da vacanzas chi preschainta in möd interessant l’istorgia da la vallada aint il museum istoric e chi metta accents surprendents cun art contemporana extraordinaria.
Occurrenzas litteraras, musicalas e cinematograficas sco eir referats e cuors dan perdütta da la vitalità ed avertezza da la lingua, art e cultura rumantscha.
La Chasa Jaura collavura strettamaing cun la Lia Rumantscha, unischa las forzas culturalas da la Val Müstair e fabricha punts vers il muond exteriur.
Illa Chasa Jaura, üna da las plü bellas chasas da paur da la Val Müstair, survain il minchadi dal passà ün preschaint fascinont. Visitaduors sun cordialmaing bainvis da gün fin october.
Chasa Jaura Val Müstair
Museum-Art-Cultura
Direcziun
Bauorcha 22
CH 7535 Valchava/Val Müstair
Tel. +41 (0)81 858 53 17
Tel. +41 (0)79 574 05 94
info@chasajaura.ch
