Exposiziun d'art 2021

Linard Nicolay

Linard Nicolay (*1966) es creschü sü a Bravuogn. Davo ün stüdi universitar va’l, i’l cumainzamaint dals ons 90 a star a Paris, inua ch’el scuvrischa sia passiun per l’art. Pü tard sta’l in Italia, inua ch’el realisescha a Carrara e Bologna sias prümas lavurs da marmel. Davo seis retuorn lavura’l impustüt cun crap indigen. Sias sculpturas preschainta’l alura in exposiziuns persunalas e collectivas in Svizra. Dürant ils ultims ans ha’l realisà i’l spazi public ed in relaziun cun edifizis nouvs püssa lavuors da gronda dimensiun. Vieplü dvainta il fier material da preferenza. Nicolay es rapreschantà in diversas collecziuns privatas. El viva e lavura in Surselva.

Gaspare O. Melcher

Gaspare O. Melcher (*1945) es nat e creschü sü a Cuoira. Dal 1970 va’l il prüm a viver ad Amsterdam e plü tard, dal 1975 in Toscana, inua ch’el viva amo hoz. Numerus sogiuorns da lavur a Salzburg, Venezia, Berlin, Paris e Cairo ed exposiziuns persunalas e collectivas ill’Europa Occidentala ed in Egipta. Sias ouvras as rechattan illas collecziuns da las instituziuns seguaintas: Museum d’art Grischun, Chasas d’art da Turich ed Aarau, Museum d’art zu Allerheiligen Schaffusa, Banca chantunala Grischuna, Collecziun grafica da l’SPF a Turich, Mobigliar svizra a Berna, ed in diversas ulteriuras collecziuns privatas.

  •  
  •  
  •