Biblioteca Jaura e collecziun Erich Valär

Pro la Chasa Jaura toccan eir üna biblioteca ed üna collecziun d’art.

Biblioteca Jaura

Tista Murk (1915-1992), nat a Müstair, il pionier e promotur dal retorumantsch, ha ramassà tuot la documentaziun davart sia val e davart la lingua retorumantscha ed ha regalà l’effectiv a la populaziun da la val sco «Biblioteca jaura».

Hans-Peter Schreich, daspö blers ons ravarenda refuormà illa Val Müstair, chüra e cumplettescha cuntinuadamaing la biblioteca. Ella as rechatta ill’anteriura chasa cumünala da Valchava e vain dovrada per lavuors scientificas e schurnalisticas sco eir per la genealogia.

  • La Biblioteca Jaura es üna funtana cun documaints singulars dal temp passà.

  • Collecziun Erich Valär
    Il collecziunader d’art Erich Valär (1907-1980) es viagià tras la Val Müstair e s’ha inamurà in ella. L’on 1977 ha el regalà seis passa 150 purtrets e sculpturas – tanter oter da Marc Chagall, Ernst Barlach, Otto Dix, Käthe Kollwitz – a la Chasa Jaura. Las ouvras vegnan dattas ad impraist per localitats publicas e privatas e muossadas da temp in temp eir illa Chasa Jaura.
    Biografia Erich Valär

     

  • Uras d’avertüra
    Lündeschdi 19.00-20.00 h
    e tenor cunvegna.
    Entrada gratuita.

    Contact
    Rav. Hans-Peter Schreich
    Biblioteca Jaura
    Chasa cumünala
    CH-7535 Valchava/Val Müstair
    Tel. +41 (0)81 858 61 19
    bibliotecajaura@bluewin.ch

     

  •